Padayong nag-una sa pinakaulahing survey sa Pulse Asia na gibuhat niadtong Marso 17-21 ang UniTeam tandem nila Bongbong Marcos ug Sara Duterte.
Subay sa gipaguwang resulta sa Pulse Asia karong adlawng Miyerkules, Abril 6, numero uno gihapon sa survey sa pagka-presidente si Bongbong Marcos, ug pagkabise-presidente si Sara Duterte.
Si Marcos ug Duterte parehong nakakuha og 56% sa kinatibuk-ang boto sa mga gipangsurvey alang sa managlahing posisyon na ilang gidaganan.
Ikaduha lamang gihapon si Leni Robredo sa survey pagkapangulo nga nakakuha ug 24%. Misunod si Isko Moreno nga dunay 8%, Manny Pacquiao 6%, Ping Lacson 2%, ug Faisal Mangondato 1%.
Sa pagkabise-presidente si Duterte gisundan ni Vicente Sotto 20%, Kiko Pangilinan 15%, Willie Ong 5%, ug Lito Atienza 1%.
Si Marcos ug Duterte maoy nag-una sa tanang survey sukad nagsugod ang pagpangampanya sa nasyonal nga position.
Sumala sa kadaghanan nga tataw na kaayo ang kadaugan sa BBM-Sara UniTeam sa umaabot nga Mayo 9.
DAVAO BREAKING NEWS 